هجس التميمي ليا من بالقفر هده
من شرد الصيد مدمي حد مخلابه
هجمة هجوسي على الشعار مرتده
وانا تميم المهيدب،، شاعر مجابه
شاعر ليا من بدى الماجوب لا بده
يجمل اللي على الدعوه تهقوى به
يامرحبا يابني عمي هل الرده
ترحيبةٍ تشمل ،، الضيفان والابه
واهلا هلا مْن الخليج الى بحر جده
في محفلٍ يذهلك جوده وترحابه
يافزعة اللي شطونه بيحت سده
يامسندي عن لهيب الوقت وحرابه
حنا تميم وتميم حزام الاشده
يوم الجزيره مصامخ روس ونهابه
اعيال عودٍ مضرينا على الهده
اليا التقى الجمع بالجمع نتعزوى به
نذود عن دارنا ونضد من ضده
لكن دون القبيله درع وعصابه
حنا هل المجد من حده الى حده
من قبل بعثت رسول الحق واصحابه
خوينا لا نصانا ،، ماعنه صده
نقلط على الموت دونه مانتردى به
رح علم اللي صحيح العلم ماعده
بيشيب راسه وحنا مادرينا به
ورح علم اللي ،، علينا واصلٍ حده
من فعل هامة مضر لا يفقد اعصابه
واللي تطاول علينا لا رحم جده
مايدري انا ليا جينا عثينا به
(
(
