تميم السكران
ديـرتـي،، مالـها نــد ومـثيـل
عـزّها،، بالـدِين وصدق رجـالـها
إسأل السيف والخـيل الاصـيل
تخـبـرك عـن دقّهـا وجـلالـها
للمـوالـي،، ديـرتي ظـلٍّ ظـلـيل
والـعدا،، حـتـمٍ نجـزّ سبـالـها
ديـرتي،،وان بغـى العايـل يعيل
بالـرهيف العضب نحـمي جالها
خيـلـنا بالـوغى تصـهل صهيل
وان تـوانـت،، لـزّهـا خـيّـالـها
ماهـوينا شَرّ ولا اخطـينا سبيل
ومـن بغـى منّا المكارم نالـها
موتـنا في عـزّ ولا عيـشة ذلـيل
ذي،، فـصيـلـة دمّهـا باجـيالـها
ديـننا الإسـلام مانـرضى بـديل
لو تقـوم الارض مـا اصغـينا لـها
مـن ولـيّ العـرش،بـيديـنا دلـيل
جـنّةٍ وآعـد بـهـا نـسـعـى لـها
الأمـانه حـملـها حـمـلٍ ثـقـيل
مـن نوى كسب المـعالي شـالـها
