تميم السكران
قصيدة مهداة من الشاعر : ناصر بن غالب التميمي .
إلى ابن العم الأستاذ : عبدالعزيز بن ناصر العبدالله .
–
قم يانديبي فوق شاص البريمي
منصاك في دار الشيوخ الميامين
دار التمارى مكرمين الحشيمي
اهل الجناب السمح والمذهب الزين
مخصوص لك ياشيخ وافي تميمي
عبدالعزيز الي له الطيب قسمين
اخيار نسل اخيار والله عليمي
انهم نسل ماكر حرار وشياهين
يالصقر ذكرك باقيً ف الصميمي
تشهدلك العربان حضر وبدواين
جليت من جالك على كل ضيمي
بالوقعه الي سجلتها الدواوين
من لاد عبدالله كعام الخصيمي
قوم الشجاعه لاغدا العلم علمين
تاريخ واضح بين من قديمي
اتزبن الخايف على الزين والشين
قصر ال عبدالله عيال الكريمي
يحكيك شوفه عن أصالة سلاطين
يالله عسى مزن الحيا به مديمي
ويالله عسى هلها بها مستريحين
•
التعليقات 3
3 pings
ابو سلطان التميمي
01/11/2020 في 11:24 م[3] رابط التعليق
صح لسانك يا بوغالب وبيض الله وجهك
عبدالله بن عبدالرحمن بن عتيـِّق
14/11/2020 في 6:59 ص[3] رابط التعليق
أتوقع إن بداية القصيدة:
قم يانديمي فوق شاص البريمي
لعله خطأ مطبعي وانتم ابخص
الجوف
09/01/2021 في 12:59 ص[3] رابط التعليق
صح لسان الشاعر والنعم في الاخ عبدالعزيز على سلامته .
لكن العبدالله قاطعين في بني عمهم الادنين بالجوف وهذي ماهي من شيم الرجال عيال الحمايل واصحاب الاصل الطيب .