تميم السكران
قصيدة مهداة من الشاعر : ناصر بن غالب التميمي .
إلى ابن العم الأستاذ : محمد بن عبدالعزيز القفاري .
–
سلام لك ياطيب الراس والساس
يابن القفاري لي فعوله عضيمه
محمد الي طيبته مالها اقياس
شيخن على القمه فعوله كريمه
مكانتك ياصاحبي فوق ع الراس
محسوب ما بين الرجال الحشيمه
مابين ربعي كنك الحر قرناس
وبصمات فعلك بين ربعي قديمه
على الهلا والمرحبا تطرب الناس
وكلمة نعم عندك هي اكبر غنيمه
انتم لكم في عالي المجد مجلاس
وهلك كبار الفعل وهل العزيمه
اسم القفاري بالسماء دوم نبراس
اهل العقول الراقية والسليمة
مثل المزن بين المخاليق عساس
يروي القلوب الملهفه والسقيمه
يالله تبعدهم من الهم والياس
وتجعلهم بأفراح دايم مقيمه
(
(
